النظام بيتكوّن من إيه؟
- انفرتر أوف جريد: بيحوّل كهربا البطارية لكهربا 220 فولت للبيت، وفيه شاحن من الكهربا ومنظم شحن MPPT للألواح.
- بطارية ليثيوم (LiFePO4): بتخزّن الطاقة، وعمرها أطول بكتير من البطاريات الرصاص وبتتحمل تفريغ أعمق.
- ألواح طاقة شمسية (اختياري): بتشحن البطارية بالنهار وبتوفر في فاتورة الكهربا.
تحسب الباقة المناسبة إزاي؟
اجمع الأجهزة اللي عايز تشغّلها وقت الانقطاع بالوات، واضربها في عدد الساعات، وقسّم على 0.85. مثلاً: ثلاجة (150 وات متوسط) + تليفزيون (100) + لمبات (60) + راوتر (15) + مروحتين (120) ≈ 445 وات. لمدة ساعتين = 445 × 2 ÷ 0.85 ≈ 1.05 كيلو وات ساعة.
بطارية 12V / 100Ah بتخزن 1.2 كيلو وات ساعة، و 12V / 200Ah بتخزن 2.4. اختار دايمًا هامش أكبر علشان ما تفضّيش البطارية للآخر.
أسعار باقات الانفرتر مع بطارية الليثيوم
| الموديل | السعر |
|---|---|
| باكدج ETA 1.2K + بطارية ليثيوم 12V 100Ah | 29,500 ج.م |
| باكدج ETA 1.2K + بطارية ليثيوم 12V 200Ah | 39,500 ج.م |
| باكدج ETA 3.6K PRO + بطارية ليثيوم 24V 100Ah | 47,000 ج.م |
| باكدج ETA 3.6K PRO + بطارية ليثيوم 24V 200Ah | 69,000 ج.م |
| باكدج ETA 6.5K PRO + بطارية ليثيوم 48V 100Ah | 77,000 ج.م |
| باكدج ETA 6.5K PRO + بطارية ليثيوم 48V 200Ah | 124,000 ج.م |
| باكدج ETA 6.5K PRO + بطارية ليثيوم 48V 300Ah | 160,000 ج.م |
| باكدج ETA 6.5K PRO + بطارية ليثيوم 48V 600Ah | 314,000 ج.م |
تشحن من الكهربا ولا من الألواح؟
الاتنين. الانفرتر بيشحن البطارية من الكهربا وقت ما تكون موجودة، ولو ركّبت ألواح بيشحن منها بالنهار ويوفّر في الاستهلاك. تقدر تبدأ بالانفرتر والبطارية وتضيف الألواح بعدين.
أسئلة شائعة
＋الباكدج تشغّل تكييف؟
التكييف حمل عالي (1.5 حصان بيسحب حوالي 1200–1500 وات وأكتر وقت البدء)، فمحتاج انفرتر 3.6K أو 6.5K وبطارية كبيرة. كلمنا نحسبلك حسب نوع التكييف وعدد الساعات.
＋بطارية الليثيوم بتعيش قد إيه؟
بطاريات LiFePO4 بتتحمل آلاف دورات الشحن، يعني سنين طويلة من الاستخدام اليومي، وده أضعاف عمر البطاريات الرصاص.
＋محتاج فني للتركيب؟
يفضل تركيب الانفرتر على لوحة البيت بواسطة كهربائي، وفريقنا يقدر يساعدك في التوصيل الصح.
